معلومات تهمك وأنت بتشترى شالية
في الأول بس عايزاك تعرف حاجات مهمة :-
1_ يعني ايه شالية ؟؟
الشالية يعني بحر، وكمان يعني أدوار قليلة، وخليك عارف ان من حقك تشوف البحر حتي لو انت مش في أول صف... شاليهات اول صف عادة بتكون أغلي لانها بتطل علي البحر مباشرة... طيب وليه متاخدش شالية حتي لو بعيد بردوا يشوف البحر وميكونش سعره غالي..وفي نفس الوقت يكون شالية مش شقة في عمارة....
(نظرية السلم)
انت عارف حضرتك ليه بتشوف شاشة السينما حتي لو قعدت في اخر صف؟؟؟ لان ببساطة السينما مصممة يشكل متدرج زي السلم بحيث لو انت في أخر صف بردوا هتشوف الشاشة بصورة ممتازة...تخيل بقي لو نظرية السلم طبقت علي قرية سياحية..
2_ الشالية يعني وحدات قليلة في المبني، يعني مينفعش تروح تشتري شقة في عمارة فيها أكتر من 20 وحدة وتقولي ده شالية !! لازم تعرف ان الشالية بيكون في مبني بالكتير 3 أدوار...
4_ علشان تقدر تستغل كل الخدمات الموجودة في منتجعك زي حمام السباحة والمطاعم ووسائل الترفيه التانيه لازم تتأكد من كثافة النزلاء في المنتجع قليلة وده هيضمنلك مستوي خدمة و رفاهية أعلي...علشان تتأكد ان الكثافة مش كبيرة هتسأل عن حاجتين:
اولا: نسبة المباني بالنسبة للمسطح الكامل.
ثانيا: عدد الادوار في كل مبني.
5_ علشان تضمن الامان لك ولاولادك... تخيل لو حضرتك قاعد في الشالية والاولاد عايزين يروحوا حمام السباحة .. ممكن تقعد في الحديقة او جوه شاليهك وتشوفهم وتقدر تطمن عليهم وهم بيلعبوا وبينبسطوا..
6_ الشاليهات 3 ادوار... اما ارضي بحديقة وفي الشالية ده عده مزايا.. شالية الارضي بيتميز بأنة لدية حديقة خاصة به يعني لو عند حضرتك اولاد وبنات يقدروا يلعبوا في الحديقة وكمان لو في فالاسرة كبار في السن فبردوا هيرتاحوا من صعود السلالم و هتكون الحديقة بنسبالهم متعة كبيرة.
شالية وسط.. الشالية الوسط بيتميز بخصوصية عالية جدا وكمان قريب من الارضي يعني مش هتتعب في الصعود وكمان تكون براحتك انت واسرتك...
الشالية العلوي.. يتمتع الشالية العلوي بان فيه روف ... يعني تقدر تعمل حفلة شوي لك ولاصحابك مهما كان عددهم لان غالبا بتبقي مساحته كبيرة ويناسب الاسرة العددها كبير... ودي الادوار اللازم يكون الشالية واحد فيهم عشان تقدر تحس انك في مكان سياحي...
7_ ركز في تقسيم الشاليهات وانت بتختار شاليهك ... لان في نوعين من الشاليهات ..
ü الشاليه ((double face وده معناه ان الشالية دا واخد وجهتين في المبني(بحري وقبلي) يعني في مكان للتهويه من الداخل لدخول الهواء وخروجه بصورة جيدة.. وده الافضل علشان بيخلي هوا البحر يدخل شاليهك وكمان الشاليهات دى بتساعد علي تهوية الشالية بشكل جيد .. وهو دا الشالية اللي تختاره..
ü الشاليه (single face) وده بيكون ضعيف التهوية لانه بياخد جنب واحد من المبني وبالتالي الهواء بيدخل مش بيخرج وهنا مش هيكون في تهوية جيدة للشالية ... والنوع ده بيحتاج وسائل تهوية.
8_ السيدة نصف المجتمع لكن... ومع الاسف غالبية السيدات في مصر بيواجهوا صعوبة في عدم الخصوصية يعني مفيش حمام سباحة للسيدات ولا في شاطيء للسيدات .. حاول تختار المكان اليدي السيدات حقهم في الاستمتاع والخصوصية في نفس الوقت بأنك تشوف مكان يكون مخصص حمامات سباحة خاصة بالسيدات وياريت كمان لو يكون في شاطيء للسيدات....
9_ لازم تتأكد ان نسبة المباني في القرية لا تتعدي 20 % والا هتحس انك في مجمع وحدات سكنية مش سياحية ... المساحات الخضراء والزرقاء لازم تكون هي الاكبر في اي مصيف علشان تحس براحة البال والنقاء والهدوء والمتعة وتخرج من جو الزحمة وتحس انك في مصيف بجد..
10_ متنساش ان الشركة المالكة لازم يكون لها سابقة اعمال سياحية.
11_ لازم تشتري شالية يناسبك ويبناسب اسرتك... يعني انت لو عريس جديد دور علي شالية مساحته صغيرة وده هيديلك قسط علي القد... لكن لو اسرتك كبيرة يعني فيها اولاد وبنات يبقي تختار شالية اكبر يناسبك ويناسب اسرتك..
12_ نظم السداد ... ايه العوامل المؤثرة عليك في نظم السداد؟؟
خليك دايما عارف ان القسط اهم بكتييير من المقدم... لان القسط هو الهيكون معاك لفترة طويلة فلازم تكون حاطط رقم مناسب لك لكن المقدم تقدر تدبره
13_ ابعد عن القري الفيها وحدات كتييير ...القري ذات التصميم المميز يتم تكوين مجتمعات صغيرة داخلها وده بيكون عن طريق عمل مساطب او ماني مرصوصه، وده بيخلي مهما كانت القرية كبيرة انك تحس بالخصوصية والراحة....
14_ سمعت عن فكرة "القيمة ضد التكلفة" دي بتعني انك لو هتاخد شالية في الساحل الشمالي ب500 الف بس في مكان بعده بنص ساعه بس وفي نفس المنطقة و ب 200 الف .. يبقي لو انت بتروح في السنة 10 مرات في نص ساعة زيادة لكل مرة يعني 5 ساعات زيادة في السنة بس في المقابل انت وفرت 300 الف من فلوسك وكمان بقي عندك شالية في المكان البتحبه...
15_ الاوراق القانونية... عشان تضمن حقك وان فلوسك مش تروح لازم تطلع علي كل الاوراق القانونية وتتأكد من كل البتشوفه...
16_ واخيرا ركز في layout للقرية لان هو الشسء الهيوضحلك الحاجة الهتستلمها... يعني تأكد من حجم الاشياء داخل القرية، الخدمات، المباني والمسافة بين الوحدات وبعضها.. علشان تضمن ان شاليهك هتحصل فيه علي المتعة الكاملة..وتقضي احلي اجازة J
شاهد الفيديو الخاص بالقرية
ليست هناك تعليقات:
إرسال تعليق